پانچویں نیشنل وولنٹیرز کمیونٹی ایمرجنسی رسپانس ٹیم 2021 مقابلہ جات میں ٹوبہ ٹیک سنگھ کی تیسری پوزیشن۔
پانچویں نیشنل ریسکیو چیلنج تیسری پوزیشن حاصل کرنے پرمبارکباد اور ٹیم کے ا عزاز میں ظہرانہ اوراسناد تقسیم کی گئیں۔
ڈسٹرکٹ ایمرجنسی آفیسرمیاں فراز منیر اور ریسکیو 1122سٹاف کی طرف سے فاتح ٹیم کا ضلع ٹوبہ ٹیک سنگھ پہنچتے پر شاندار استقبال۔
ٹوبہ ٹیک سنگھ() ڈائریکٹر جنرل پنجاب ایمرجنسی سروس ڈیپارٹمنٹ ڈاکٹر رضوان نصیر (ستارہ امتیاز) کی زیر نگرانی پانچواں کمیونٹی ایمرجنسی رسپانس ٹیم نیشنل ریسکیو چیلنج2021،پنجاب ایمرجنسی سروسز اکیڈمی (ریسکیو 1122) لاہور میں منعقد ہوا۔ کمیونٹی ایمرجنسی ریسپانس ٹیم نیشنل ریسکیو چیلنج میں فرسٹ ایڈ، آگ بجھانے کے آلات کا استعمال، عمارتو ں کے ملبے سے زخمیوں کو نکالنے اور پانی میں ڈوبنے سے بچاؤ کے مقابلے کروائے گئے ۔مقابلہ جات میں پاکستان بھر سے مختلف اضلاع کی 46 ٹیموں نے حصہ لیا۔جس میں ضلع ٹوبہ ٹیک سنگھ کی کمیونٹی ایمرجنسی رسپانس ٹیم نے بہترین کارکردگی کا مظاہرہ کرتے ہوئے نیشنل لیول پر تیسری پوزیشن حاصل کی۔ ڈسٹرکٹ ٹوبہ ٹیک سنگھ کی کمیونٹی ایمرجنسی رسپانس ٹیم کے ٹیم لِیڈر ریسکیو اینڈ سیفٹی آفیسربشارت حمید،ٹریننگ انسٹرکٹرز مبشر رسُول،احمد محمد دانش،عمر سعید،،رائبہ شمس،تہمینہ ستار اور شمائلہ بشیرشامل تھے۔کمیونٹی ایمرجنسی رسپانس ٹیم میں کمانڈر مِس فریحہ جبکہ ٹیم ممبران میں مِس اریحہ، فیض فرید،محمد محسن، محمد وارث، عتیق الرحمن، عابدجاوید، عطاء الرحمن شامل تھے۔فاتح ٹیمزکے اعزاز میں ڈپٹی کمشنر آفس کے کانفرنس روم میں پروقار تقریب کا انعقاد کیا گیا جس میں ڈپٹی کمشنر عمر جاوید صاحب ،ڈسٹرکٹ ایمرجنسی آفیسر میاں فراز منیر،ممبر صوبائی اسمبلی سعید احمد سعیدی ،پاکستان تحریک انصاف کے رہنما چوہدری محمد اشفاق،چیئرمین ٹیوٹا سہیل عباس ٹیپو نےCERT ٹیم کو نیشنل ریسکیو چیلنج میں تیسری پوزیشن حاصل کرنے پر سرٹیفکیٹ اور کیش ایوارڈ سے نوازا۔ڈسٹرکٹ ایمرجنسی آفیسر میاں فراز منیرکے ہمراہ کمیونٹی کوارڈینٹر اور ریسکیو سٹاف کی طرف سے تیسری پوزیشن حاصل کرنے پر ٹیم کا ضلع ٹوبہ ٹیک سنگھ پہنچے پر شاندار استقبال کیا گیا۔ اس موقع پر ریسکیو اینڈ سیفٹی آفیسربشارت حمید،ریسکیو اینڈ سیفٹی آفیسر محمد مرسلین، کنٹرول روم انچارج اخلاق احمد فاروقی، اسٹیشن کوارڈینیٹر شبیر بدر، ٹرانسپورٹ مینٹینس انچارج وحید انور بھی موجود تھے۔
