ٹوبہ ٹیک سنگھ( ) ڈائر یکٹر سول ڈیفنس پنجاب کی خصوصی ہدایت اور ڈپٹی کمشنر عمر جاوید کی زیر نگرانی محکمہ سول ڈیفنس کی جانب سے روزانہ کی بنیاد پر ٹریننگ کروائی جا رہی ہے۔اس ضمن میں علی پٹرولیم سروس, بْھسی روڈ پیرمحل آگاہی پروگرام کا انعقاد کیا گیا۔جس میں سول ڈیفنس ٹریننگ ٹیم نے پٹرول پمپ پر ورکرز اور انتظامی سٹاف کو ہنگامی حالات بالخصوص رِی فِیولنگ کے دوران اچانک آگ کے حادثات کی وجوہات اور اْنکی بروقت روک تھام کے حوالے سے پیشگی حفاظتی انتظامات بارے لیکچر دئیے اور فائر ایکسٹینگویشرز کی روزمرہ کی دیکھ بھال اور اسکے بروقت استعمال کی عملی مشقیں بھی کروائی گئیں۔ اس موقع پر ر سول ڈیفنس آفیسر مرید عباس نے کہا کہ کسی بھی ہنگامی صورتحال سے نمٹنے کے لیے ہر شہری کے لئے شہری دفاع کی تربیت از حد ضروری ہے تاکہ کسی بھی ناخوشگوار واقعے میں اپنا دفاعی یقینی بنایا جا سکے۔انہوں نے مزید کہا کہ سول ڈیفنس ٹریننگ آپکی دہلیز پر پروگرام کے تحت ڈپٹی کمشنر عمر جاوید کی زیر نگرانی محکمہ سول ڈیفنس کی جانب سے روزانہ کی بنیاد پر ٹریننگ کروائی جا رہی ہے ہے۔ٹریننگ میں شہریوں کو فرسٹ ایڈ ،ریسکیو کی تربیت فراہم کی جاتی ہے۔ انہوں نے کہا کہ تربیت کا مقصد لوگوں میں اپنی مدد آپ کے تحت حادثات سے بچاؤ جانی و مالی نقصان کو کم سے کم کرنا ہے اور حادثے کی صورت میں اپنے آپ کو اور دوسروں کو محفوظ کرنا ہے۔
