ایڈیشنل ڈپٹی کمشنر ریونیو محمد نبیل ریاض سندھو کی زیر صدرات محکمہ بہبود آبادی کی ماہانہ کارکرد گی کے بارے جائزہ اجلاس

0
827

ٹوبہ ٹیک سنگھ ( )ڈپٹی کمشنر عمر جاوید کی ہدایت پر ایڈیشنل ڈپٹی کمشنر ریونیو محمد نبیل ریاض سندھو کی زیر صدرات محکمہ بہبود آبادی کی ماہانہ کارکرد گی کے بارے جائزہ اجلاس منعقد ہوا۔،اجلاس میں محکمہ پاپولیشن ویلفیئر کے افسران اورکمیٹی ممبران نے شرکت کی۔اس موقع پرتحصیل آفیسر پاپولیشن نے حکومتی اقدامات اور محکمانہ سروسز اور کارکردگی بارے تفصیلی بریفنگ بھی دی۔ ایڈیشنل ڈپٹی کمشنر ریونیو محمد نبیل ریاض سندھونے پاپو لیشن ویلفیئر ڈیپارٹمنٹ کارکردگی کو سراہا اور کہا کہ فلاحی مراکز پر ڈاکٹروں و عملہ کی حاضریاں یقینی بنائی جائیں آگاہی مہم میں علما ئے کرام کی شمولیت بھی یقینی بنائی جائے۔ انہوں نے کہا کہ آبادی کنٹرول کرنے کے لئے محکمے کو تیز ترین اقدامات کرنے ہوں گے کیونکہ ملک کی ترقی کے لئے آبادی اور وسائل کے درمیان توازن پیدا کرنابہت ضروری ہے۔آبادی میں اضافے کی وجہ سے ملک کو معاشی، معاشرتی، نفسیاتی مسائل اور خطرناک وباں کا سامنا ہے۔انہوں نے کہا کہ بڑھتی ہوئی آبادی ہمارے وسائل کوتیزی سے ختم کر رہی ہے۔ اس ضمن میں علمائے کرام اپنے خطبات میں آبادی کو کنٹرول کرنے کے حوالہ سے پیغامات لوگوں تک پہنچائیں تاکہ ہم اپنے وسائل میں رہتے ہوئے بچوں کی بہتر کفالت کرسکیں۔معاشرے کا ہرفرد بہبود آبادی کے حوالہ سے اپنا فعال کردار ادا کرے کیونکہ آبادی کوکنٹرول کرنے سے ہمارے بچوں کا مستقبل روشن ہوگا۔

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں